ভোট আইস্যি! ভাই, ভোট আইস্যি
কেউর কেউর টেয়া খাইবের
জো আইস্যি।
জোয়ান বুড়া, মা– খালা
সুন্দর কথাত মজি যায়,
পাঁচশ টিয়ার নোট পায়
চা বিরি পান খাই।
বেগগুনি চাই ভালা মানুষ–
ইলেকশনত পাশ গরক,
ইলেকশ্েনত ভোটে জিতি
রাস্তা ঘাটর কাজ গরক
গরিব দুখি সেবা পক
আচার বিচার ঠিক গরক,
ইলেকশনের আগে তারা
পার্থী ন ভাই, ফেরসতা.
আসমানততুন আইস্যি নামি
বুঝতো ন’ দে তার কি অবস্থা।
ইয়েন দিবু হিয়্যেন দিবু
দরকার পইললি জান দিবো,
সুন্দর সুন্দর কথা কই
ভোট ব্যাক্যুন বাকসত লই
পরে তারা ব্যাংক মারে,
সরকরি জায়গা মারে,
বউ পোয়া বিদেশ পাঠাই
টেয়ার বস্তা লই।
এন গরি কত দিন
ভোট দিবো ভাই!
দেশেত আছে কোটি মানুষ
শ’ তিনেক ভালা মানুষ নাই?
